У Беларусі вывелі новы гатунак бульбы

Яму далі незвычайную назву.

Навукова-практычны цэнтр Нацыянальнай акадэміі навук Беларусі ў бульбаводстве і плодаагародніцтве вывеў і зарэгістраваў новы гатунак бульбы.

У яго незвычайная назва – «вайлдбэрыз».

Пра тое, што ў свеце цяпер ёсць бульба ў гонар маркетплэйсу, расказала ў сваім Telegram-канале заснавальніца Wildberries Таццяна Кім. Такі падарунак, паводле ейных словаў, яна атрымала ад навукоўцаў з Беларусі на дзень нараджэння.

«Атрымала вельмі незвычайны падарунак ад Рэспублікі Беларусь. Навукова-практычны цэнтр Нацыянальнай акадэміі навук Беларусі па бульбаводстве і плодаагародніцтве вывеў і зарэгістраваў новы від бульбы – "вайлдбэрыз". І ён фіялетавы!» – з захапленнем напісала Кім.

На сертыфікаце напісана, што новы гатунак бульбы валодае высокай патэнцыйнай ураджайнасцю – ад 50 т з 1 га. Ён таксама вылучаецца вялікім утрыманнем крухмалу – да 18,9%.

У характарыстыках бульбы пазначаныя добрыя смакавыя якасці, а таксама прызначэнне – сталовы гатунак для здаровага (функцыянальнага) харчавання.

Кім абяцала падумаць, каб «паспрабаваць вырошчваць яго ў прамысловых маштабах».

Ці можна будзе калі-небудзь набыць фіялетавую бульбу з Беларусі праз Wildberries, заснавальніца гандлёвай пляцоўкі не сказала.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]