ЗША анансавалі новыя «магутныя санкцыі» супраць Расеі

Новыя абмежаванні будуць уведзеныя на наступным тыдні.

Міністр фінансаў ЗША Джанэт Елен заявіла, што на наступным тыдні яе ведамства абвесціць «новыя магутныя санкцыі», накіраваныя на трэція краіны, якія дапамагаюць Расеі ажыццяўляць яе агрэсію супраць Украіны.

Пра гэта, як паведамляе AFP, Елен заявіла на прэс-канферэнцыі ў аўторак, 22 кастрычніка.

Са слоў кіраўніцы амерыканскага Мінфіна, будучыя санкцыі будуць накіраваныя «супраць тых, хто спрыяе вайсковай машыне Крамля, напрыклад, пасярэднікаў у трэціх краінах, якія пастаўляюць Расеі крытычна важныя рэсурсы для яе войска».

Іншых падрабязнасцей будучых захадаў супраць Расеі яна не прывяла.

З пачатку поўнамаштабнага расейскага ўварвання ва Украіну ў лютым 2022 года ЗША ўвялі шэраг захадаў, накіраваных супраць крыніц даходаў і прамысловага комплексу Расеі.

ЗША ў апошнія месяцы зрабілі ўпор на закрыцці шчылін, якія дазваляюць Маскве абыходзіць ужо дзейныя абмежаванні.

Нядаўна двухпартыйная кааліцыя ў Кангрэсе ЗША запатрабавала ад адміністрацыі Байдэна ўзмацніць санкцыі супраць расейскай нафтасэрвіснай галіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]