Экс-прэзідэнта Перу прысудзілі да 20 гадоў турмы

Алехандра Таледа прызналі вінаватым у атрыманні хабараў на $35 млн.

Былога прэзідэнта Перу Алехандра Таледа прыгаварылі да 20 з паловай гадоў турэмнага зняволення паводле справы аб карупцыі і адмыванні грошай. Такі вырак вынес Вярхоўны суд Лімы ў панядзелак, 21 кастрычніка.

Суд прызнаў Таледа вінаватым у атрыманні хабараў на суму амаль 35 мільёнаў даляраў у перыяд яго прэзідэнцтва з 2001 да 2006 года - у абмен на хабары ён дазволіў бразільскаму будаўнічаму канцэрну Odebrecht (пазней змяніў назву на Novonor) атрымаць кантракт на будаўніцтва аўтамагістралі, якая злучае Перу і Бразілію. Падчас следства ў Odebrecht прызналіся ў подкупе чыноўнікаў у шэрагу краін для атрымання дамоў на будаўніцтва.

Пасля заканчэння прэзідэнцкага тэрміна Таледа жыў у ЗША. У 2017 годзе праваахоўныя органы Перу выдалі ордэр на арышт палітыка і запатрабавалі ягонай выдачы. Таледа быў затрыманы ў Каліфорніі ў 2019 годзе і змешчаны пад хатні арышт. Ён спрабаваў перашкаджаць экстрадыцыі на радзіму, аднак быў выдадзены перуанскім уладам у 2023 годзе.

Карупцыйны скандал вакол кампаніі Odebrecht уважаецца за найбуйнейшы ў Лацінскай Амерыцы. На ацэнкі ўладаў ЗША, сума хабараў, якія прадпрыемства выплаціла палітыкам у 12 краінах, склала амаль 785 млн даляраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]