Дроны падарвалі два спіртзаводы ў Тульскай вобласці РФ

Пашкоджаныя таксама ЦЭЦ і завод сінтэтычнага каўчуку.

Уночы 22 кастрычніка ў Яфрэмаве Тульскай вобласці РФ прагучалі выбухі. Горад атакавалі беспілотнікі, пасля чаго ўзнік пажар.

Пра гэта паведамляе РБК-Украіна са спасылкай на расейскія Telegram-каналы.

Са слоў мясцовых жыхароў, мінімум два выбухі прагучалі аў 02:10 і 02:15. Расейцы сцвярджаюць, што горад атакавалі беспілотнікі. Пасля гэтага побач з Яфрэмаўскім заводам сінтэтычнага каўчуку ўзнік пажар.

У той жа час, некаторыя Telegram-каналы пісалі, што дроны маглі ўпасці і ў раёне мясцовай ЦЭЦ.

Абноўлена

Губернатар Тульскай вобласці РФ Дзмітрый Міляеў пацвердзіў атаку дронаў і заявіў, што сілы СПА нібыта "спынілі" яе.

У той жа час ён паведамляе, што пацярпелі памяшканні Яфрэмаўскага спіртзавода і яшчэ аднаго спіртзавода ў пасёлку Лужкоўскі Сувораўскага раёна.

«Паводле папярэдняй інфармацыі пацярпелых няма. Спецыялісты экстранных службаў працуюць на месцах здарэння. Сітуацыя знаходзіцца пад кантролем», - дадаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]