Паўночнакарэйцы ўцякаюць з расейскага войска: з'явіліся падрабязнасці

Уцёкі зафіксаваныя ў Курскай вобласці РФ.

18 вайскоўцаў Паўночнай Карэі спрабавалі ўцячы з расейскіх пазіцый у Курскай вобласці, аднак акупанты затрымалі іх у Камарыцкім раёне Бранскай вобласці. Цяпер іх могуць выкарыстаць у штурмавых дзеяннях супраць УСУ.

Аб гэтым NV паведамілі інфармаваныя крыніцы ў спецслужбах.

Блізу 40 вайсковых інструктараў з Паўночнай Карэі разам з паўсотняй расейскіх акупантаў знаходзіліся на пазіцыях у лесе ў раёне Калячак Хамутаўскага раёна Курскай вобласці.

Са звестак суразмоўцы рэдакцыі, паўночнакарэйцы ажыццяўлялі навучанне расейскіх вайскоўцаў у выкарыстанні паветраных куль у вайсковых мэтах. А вайскоўцы РФ навучалі прадстаўнікоў Паўночнай Карэі вядзенню сучаснага пяхотнага бою з выкарыстаннем досведу так званай «СВА».

Пасля заканчэння курса навучання вайскоўцаў Паўночнай Карэі пакінулі ў лясным масіве ў раёне Калячак Хамутоўскага раёна на некалькі дзён без ежы і ўказанняў наконт далейшых планаў і намераў. А 14 кастрычніка частка паўночнакарэйцаў надумала самавольна пакінуць пазіцыі з мэтай пошуку камандавання Узброеных сілаў РФ.

Праз два дні, 16 кастрычніка зніклых з пазіцый вайскоўцаў знайшлі і затрымалі расейскія акупанты. Адлегласць ад месца ўцёкаў складала амаль 60 км.

Крыніцы NV адзначаюць, што зараз усіх 40 вайскоўцаў КНДР, якія знаходзіліся на пазіцыях у Хамутоўскім раёне, перамясцілі ў Льгоўскі раён Курскай вобласці для далейшага задзейнічання ў штурмавых дзеяннях у Курскай вобласці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]