У Кангрэсе патрабуюць ад Байдэна рэакцыі на ўдзел войска КНДР у вайне супраць Украіны

Гэта павінна стаць "чырвонай лініяй".

У ЗША старшыня камітэта разведкі Палаты прадстаўнікоў Майк Тэрнер патрабуе ад Белага дома неадкладнага брыфінгу на фоне паведамленняў аб тым, што войскі Паўночнай Карэі могуць удзельнічаць у баявых дзеяннях супраць Украіны на баку РФ.

Пра гэта гаворыцца ў лісце кангрэсмена прэзідэнту ЗША Джо Байдэна, паведамляе "Еўрапейская праўда".

Са слоў Тэрнера, прыцягненне паўночнакарэйскіх вайскоўцаў да ўдзелу ў вайне супраць Украіны павінна стаць "чырвонай лініяй".

У лісце ён адзначае, што звесткі аб войсках КНДР ва Украіне з'яўляюцца трывожнымі і сведчаць аб надзвычайнай эскалацыі канфлікту ва Украіне.

- Паўночнакарэйскія войскі, якія атакуюць Украіну з расейскай тэрыторыі або ўступаюць на ўкраінскую тэрыторыю, павінны быць чырвонай лініяй для ЗША і NATO. Ваша адміністрацыя павінна зрабіць гэта цалкам дакладна і недвухсэнсоўна, - піша Тэрнер да Байдэна.

Ён таксама заявіў аб неабходнасці склікаць брыфінг у Камітэце пытанняў разведкі Палаты прадстаўнікоў што да магчымага прыцягнення паўночнакарэйскага войска ў вайну ва Украіне.

Кіраўнік Галоўнага ўпраўлення разведкі Кірыл Буданаў раней заявіў, што блізу 11 тысяч пяхотнікаў з КНДР могуць прыцягнуць у вайну з лістапада.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]