У Польшчы нарадзіліся чатыры вельмі рэдкія суматранскія тыграняці

Гэта амаль феномен.

Ва Уроцлаўскім заапарку ў Польшчы нарадзіліся чатыры суматранскія тыграняці – тры самцы і адна самка. Іх від вымірае.

«Нараджэнне чатырох асобінаў – гэта амаль феномен. У такіх прыплодах часта не ўсе кацяняты дажываюць да дарослага ўзросту. Таму тым больш радасна, што тыграняты развіваюцца здаровымі, актыўнымі, хочуць есці і гуляць адзін з адным і са сваімі бацькамі», – паведамляе заапарк. Там адзначылі, што бацька тыгранятаў быў з імі з самага пачатку, што для тыгра рэдкасць.

Дзіцяняты нарадзіліся яшчэ ў ліпені, але заапарк пастанавіў не паведамляць пра гэта, пакуль яны не адужэюць і не пройдуць вакцынацыю, паведамляе ABC News. Імёны тыгранятам пакуль не далі – заапарк падумвае даць гэтую магчымасць наведвальнікам.

У дзікай прыродзе засталося ўсяго блізу 400 асобінаў суматранскага тыгра. Від знаходзіцца на мяжы поўнага знікнення праз віну чалавека. Арэал пасялення тыграў істотна скараціўся праз пашырэнне пальмавых плантацый, а на саміх жывёлаў палююць браканьеры – у тым ліку дзеля віна з тыгровых костак (багатыя кітайцы вераць, што яно надзеліць іх рысамі тыгра).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]