СМІ: Расейская СПА падпаліла Бранск

У горадзе шалее пажар.

У Бранскай вобласці РФ паскардзіліся на атаку ўкраінскіх дронаў у ноч на 19 кастрычніка. Сярод іншага, гучныя выбухі чулі жыхары Бранска, яны таксама пісалі ў сацсетках пра «выбліск», які назіралі, паведамляе «Обозреватель».

У СМІ з'явілася інфармацыя пра пажар на адным з заводаў у Бранску, які мог быць вынікам працы расейскай СПА.

Цягам «выбухной ночы» жыхары Бранска выкладвалі ў сетку фота з зарывам і дымам, якія з'явіліся пасля магутных выбухаў.

Супакоіць напалоханых зарывам і выбухамі расейцаў паспрабаваў губернатар Бранскай вобласці Аляксандр Багамаз.

«Паважаныя землякі! Нашы абаронцы адбіваюць спробу атакі з выкарыстаннем БПЛА па тэрыторыі Бранскай вобласці. Падраздзяленні СПА Міністэрства абароны РФ вядуць працу ў выяўленні і знішчэнні паветраных цэляў. Просьба выконваць неабходныя захады бяспекі!» – напісаў ён у 04:46.

Крыху пазней Багамаз паспрабаваў растлумачыць пажар, які ўспыхнуў падчас нападу. Паводле ягонай версіі, уся рэч у «падзенні абломкаў на гарышча нежылога будынка».

А ў сацсетках і СМІ тым часам з'явілася іншая версія здарэння. Сцвярджаецца, што «ў Бранску СПА адпрацавала па заводзе».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]