У Віцебску знайшлі ўнікальны Opel 1937 года

Яго выставілі на продаж.

Жыхар Віцебску выставіў на Kufar нямецкі аўтамабіль, якому 87 гадоў. Гэтая мадэль выпускалася ўсяго 2 гады.

Сёння на папулярнай гандлёвай пляцоўцы з'явілася аб'ява аб продажы антыкварнага аўтамабіля "Opel" 1937 года выпуску.

У апісанні мадэль аўто паказаная як B6 . Але, наколькі змаглі высветліць «ННВ», хутчэй за ўсё, гэта "Opel Super 6". Гэтая мадэль выпускалася з 1937 да 1938 года ў варыянтах 4-дзвярнога седана, 2-дзвярнога купэ і 2-дзвярнога кабрыялета. Усяго было выпушчана 46 453 аўтамабіляў. У Віцебску прадаецца варыянт з 4-дзвярным кузавам.

Аўтамабіль важыў больш за тону – 1 145 кілаграмаў - і з родным 2.5 літровым рухавіком магутнасцю звыш 50 конскіх сіл мог разганяцца да 117 кіламетраў на гадзіну.

Гэты асобнік "Opel Super 6" знаходзіцца прыкладна за 25 кіламетраў ад Віцебска ў Крупеніне. Хаваўся ён у нейкім напаўразбураным будане і час не пашкадаваў антык.

Мяркуючы з аўтамабільнага рэгістрацыйнага нумару СССР узору 1959 года, гэтае аўто эксплуатавалася яшчэ як мінімум у 1960-я гады. Яго ўладальнік, мяркуючы з таго ж нумара «97-97 ХМД» жыў у Смаленскай вобласці РСФСР і меў «блат» у ДАІ, так змог атрымаць «прыгожы» нумарны знак.

Кошт лота ўстаноўлены прыкладна эквівалентны 10 000 далярам ЗША.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]