Украінскія ўлады абвясцілі пра абавязковую эвакуацыю Купянска

Праз наступ РФ.

Украінскія ўлады абвясцілі абавязковую эвакуацыю мірных жыхароў з горада Купянск Харкаўскай вобласці, а таксама з трох суседніх прыфрантавых раёнаў – сёлаў Кандрашоўка, Петрапаўлаўка і Курылаўка.

Кіраўнік ваеннай адміністрацыі вобласці Алег Сінягубаў патлумачыў гэтую пастанову «пагаршэннем ваеннай сітуацыі» і тым, што ўлады «не могуць забяспечыць правядзенне ацяпляльнага сезону, падачу электраэнэргіі, аказанне гуманітарнай дапамогі, паколькі вораг абстрэльвае крытычную інфраструктуру, аднаўленне якой цяпер немагчымае».

Купянск – буйны чыгуначны вузел усходняй Украіны, які знаходзіцца за 116 кіламетраў ад Харкава. Расейскія войскі захапілі горад амаль адразу пасля пачатку поўнамаштабнага ўварвання ва Украіну – у канцы лютага 2022 года. Увосень таго ж года УСУ здолелі адбіць яго назад. Цяпер расейскае войска зноў спрабуе захапіць Купянск, выйшаўшы на ўскраіны сёлаў на беразе ракі Аскол, якая падзяляе горад напалову.

Да пачатку поўнамаштабнай вайны ў Купянскім раёне пражывала больш за 50 тысячаў чалавек, у самім горадзе Купянск – больш за 25 тысячаў. Паводле словаў Алега Сінягубава цяпер на левым, усходнім беразе ракі Аскол, да якога ўшчыльную падышло расейскае войска, застаюцца блізу чатырох тысячаў мірных жыхароў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]