Нелегальнае перасячэнне межаў ЕЗ прыкметна ўпала з пачатку 2024 года

На 42 адсоткі.

За першыя дзевяць месяцаў 2024 года колькасць спробаў нелегальнага перасячэння знешніх межаў Еўрапейскага Звязу была на 42% меншая, чым за гэты ж перыяд у мінулым годзе.

Пра гэта сведчаць звесткі памежнага агенцтва ЕЗ Frontex, якія прыводзіць «Еўрапейская праўда».

З пачатку 2024-га было зафіксавана 166 тысячаў спробаў нелегальна прабрацца на тэрыторыю ЕЗ, у той час як летась за гэты ж перыяд іх было амаль 280 тысячаў.

Найбольш прыкметнае зніжэнне колькасці нелегальных перасячэнняў мяжы назіралася на заходнебалканскім і цэнтральна-міжземнаморскім маршрутах – на 79% і 64% адпаведна, адзначылі ў Frontex.

У той самы час на ўсходняй сухапутнай мяжы і на заходнеафрыканскім маршруце назіраўся найбольшы рост такіх спробаў – на 192% і 100% адпаведна, або да больш як 30 тысячаў і больш як 13 тысячаў перасячэнняў адпаведна.

За кошт сухапутнага маршруту Украіна, паводле звестак Frontex, апынулася ў тройцы краінаў, грамадзяне якіх ажыццяўлялі больш за ўсё спробаў нелегальнага перасячэння мяжы. Дакладных звестак агенцтва ЕЗ не прыводзіць.

Міграцыя будзе адной з галоўных тэмаў двухдзённага саміту кіраўнікоў дзяржаваў і ўрадаў ЕЗ у Брусэлі, які пачнецца ў чацвер.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]