Фатальная пастанова для Лукашэнкі
20- TELEGRAM-КАНАЛ "НІК І МАЙК"
- 14.10.2024, 15:33
- 52,110
Дыктатара не ратуе нават рэтуш.
Лукашэнка ходзіць па коле. Спроба балансаваць паміж Украінай, Захадам і Расеяй была няўдалай. У Крамлі не купілі пасярэдніцтва ў мірных перамовах з Кіевам і чарговы продаж адмовы ад нармалізацыі стасункаў з Захадам. І не купілі не таму, што не хацелі, а таму што тавар на продаж быў заляжалы і смярдзеў.
За некалькі месяцаў хаатычных рухаў цела на ўкраінскім і заходнім кірунку сітуацыя толькі што не пагоршылася. Таму прапанаваць у Крамлі не было чаго. А вось намёкі на стан здароўя самога Лукашэнку і найбліжэйшага атачэння прыйшлося выслухаць.
Засталося толькі тое, што ў 2020-м нанесла чарговую траўму - хаатычнае хаджэнне ў народ. Трэба пераканаць самога сябе, а яшчэ важней - Маскву ў тым, што ёсць яшчэ народная падтрымка і мандат. Ратаваць Лукашэнку павінен электарат. Дакладней - большасць. Толькі нават унутры самога рэжыму ёсць разуменне, што большасць на гэты раз не пераважная, а прыгнечаная. І гэта вельмі ненадзейны рэсурс.
Тым больш, што самай папулярнай тэмай абмеркавання становіцца здароўе, дакладней - яго адсутнасць, у Лукашэнкі. Яшчэ трохі і трэба будзе галівудскіх адмыслоўцаў у CGI выклікаць, бо банальная рэтуш не тое, што не ратуе, але рэгулярна прыводзіць да яшчэ больш жахлівых вынікаў.
Візіт у Крэмль прывёў да разумення таго, што калі раней была гульня на выжыванне рэжыму, то цяпер стаўка - жыццё Лукашэнкі і ўсяго сямейства, а час сыходзіць. Або трэба адмаўляцца ад бессістэмнай мітусні і выбіраць кірунак руху, дзе ёсць шанец банальна захаваць жыццё, ці пастанова пайсці на 7-ы тэрмін без унутранай і вонкавай падтрымкі стане фатальнай.
Telegram-канал "Нік і Майк"
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
