«Баіцца за сваё жыццё»: СМІ распавялі пра таемнае пасланне Лукашэнкі праз алігарха Гуцэрыева

Беларускі дыктатар хацеў здрадзіць Пуціну?

У першай палове 2022 года ў Празе адбыліся дзве вельмі важныя сустрэчы, піша чэшскае выданне Seznam Zprávy.

Расейскі алігарх Міхаіл Гуцэрыеў і яго пляменнік на канспіратыўнай кватэры сустрэліся з супрацоўнікам ФБР.

Сустрэчу, на якой прысутнічаў чэшскі контрвыведнік з BIS, які выдаваў сябе за агента ЦРУ, прызначыў Гуцэрыеў, адзін з 30 найбагацейшых расейцаў. У яго і ягонага пляменніка, банкіра Міхаіла Шышханава, была прапанова для амерыканцаў ад дыктатара Лукашэнкі.

Гуцэрыеў сказаў яму, што «прыехаў на просьбу Лукашэнкі, які непакоіцца за сваё жыццё і сваіх дзяцей».

«Ён хацеў дамовіцца з ЗША аб тым, што Беларусь не будзе ўступаць у вайну і не будзе ўрывацца ва Украіну», — расказвае падрабязнасці сустрэчы адзін з удзельнікаў.

На сустрэчы прагучала прапанова, што Лукашэнка хоча атрымаць дапамогу ад амерыканцаў, а ў якасці гарантыі ён мусіў прапанаваць, напрыклад, долю ў стратэгічных шахтах Беларусі.

«Ён прапанаваў, каб Гуцэрыеў перадаў ЗША калійныя руднікі, якія ў яго ёсць на поўдні Беларусі. У Беларусі таксама ёсць свае шахты, і яны гатовыя перадаць іх ЗША ці трэцяму боку, які пакажуць амерыканцы», — сцвярджае былы супрацоўнік паліцыі Гургенідзэ.

Сустрэча ў Празе скончылася тым, што ЦРУ паабяцала абмеркаваць прапанову, а далей - відаць будзе. Але цягам некалькіх месяцаў нічога не адбывалася.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]