Зяленскі: Сённяшняя сустрэча з Шольцам – адна з найважнейшых за ўвесь час вайны

Падрабязнасці.

Прэзідэнт Украіны Уладзімір Зяленскі заявіў, што сённяшняя сустрэча з канцлерам Нямеччыны Олафам Шольцам з'яўляецца адной з найважнейшых за ўвесь час поўнамаштабнай вайны.

Пра гэта ён паведаміў на сваім Telegram-канале ў пятніцу, 11 кастрычніка.

«Мы прапануем нашым ключавым сябрам нашу стратэгію набліжэння міру для Украіны – гэта план абсалютна дакладных і рэалістычных крокаў, якія могуць падштурхнуць сітуацыю да сапраўднага міру», – адзначыў Зяленскі.

Прэзідэнт падкрэсліў, што «аднаўленне справядлівага міру для Украіны з'яўляецца перамогай», і праца ў гэтым кірунку прадаўжаецца.

Ён падкрэсліў важнасць узаемадзеяння з усімі партнёрамі і выказаў спадзяванне на далейшую падтрымку з боку Нямеччыны.

«Дзякуй за тое, што вы так моцна дапамагаеце Украіне. Гэта і СПА, і важкая абаронная, эканамічная падтрымка, нашае палітычнае ўзаемадзеянне, падтрымка Формулы міру і супольная праца над дзейснасцю самітаў міру. Для нас вельмі важна, каб і ў наступным годзе дапамога не змяншалася, а аб'ём падтрымкі быў дастатковым для абароны людзей і жыцця», – дадаў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]