На Эверэсце знайшлі парэшткі зніклага 100 гадоў таму Сэндзі Ірвіна

Альпініст спрабаваў першымі скарыць вяршыню гары.

«Вечную таямніцу» знакамітай экспедыцыі Эндру Коміна Ірвіна (вядомы таксама як Сэндзі Ірвін) і Джорджа Мэлары, якія больш за 100 гадоў таму спрабавалі першымі скарыць Эверэст, аднак бясследна зніклі, удалося разгадаць — парэшткі былі знойдзеныя групай дакументалістаў National Geographic у ледніку Ронгбук пад паўночным схілам самай высокай у свеце гары.

Зрэшты, здымачная група выявіла чаравік, у якім быў фрагмент нагі, а таксама шкарпэтку з ініцыяламі: A.C. IRVINE

Ірвін і Мэлары хацелі скарыць вяршыню гары за 29 гадоў да таго, як гэта змаглі зрабіць Эдмунд Хілары і Тэнцынг Наргей. Апошні раз зніклых брытанцаў бачылі жывымі 8 чэрвеня 1924 года. Як адзначае National Geographic, пытанне аб тым, ці скарылі яны вяршыню, засталося «найвялікшай загадкай скалалажання ўсіх часоў».

Фрагменты цела Мэлары знайшлі яшчэ ў 1999 годзе, таксама на паўночным схіле Эверэста. Загінулы ляжаў тварам уніз, з усіх бакоў засыпаны жвірам. Адзенне на спіне Мэлары было разадранае, а абвязаная вакол пояса вяроўка пакінула меткі на торсе - гэта магло ўказваць на імклівае і жорсткае падзенне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]