У Балтыйскім моры гарыць танкер з нафтай

Танкер з 640 тонамі нафты загарэўся каля нямецкага курорта Варнемюндэ.

Каля ўзбярэжжа Нямеччыны на Балтыйскім моры каля марскога курорта Варнемюндэ гарыць танкер Annika, гружаны 640 тонамі нафты. Пажар на 73-метровым танкеры тушаць марскі выратавальны крэйсер і два дапаможныя караблі, паведаміла ў пятніцу, 11 кастрычніка, управа надзвычайных сітуацый нямецкай федэрацыі і федэральных земляў.

Сем маракоў, якія знаходзіліся на борце танкера пад нямецкім сцягам, былі выратаваныя і дастаўлены на бераг. Паводле інфармацыі Нямецкай марской пошукава-выратавальнай службы (DGzRS), дым ад падпаленага танкера «бачны на вялікай адлегласці ад узбярэжжа». Служба таксама паведаміла, што атрымала сігнал аб пажары пасля 9 гадзін раніцы (10.00 паводле Менску), праз гадзіну з танкера быў эвакуяваны экіпаж.

Управа выратавальнай аперацыяй узяла на сябе аварыйнае камандаванне ў Куксхафене. Пажарныя каманды дастаўленыя да месца тушэння на верталётах.

Паводле інфармацыі міністэрства навакольнага асяроддзя федэральнай зямлі Мекленбург – Пярэдняя Памеранія, чальцы экіпажа не пацярпелі. Прычыны пажару на Балтыцы пакуль невядомыя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]