«Тады мы ўдарым па Пецярбургу»

Вайскоўцы з Польшчы і краін Балтыі папярэдзілі РФ.

Пасля вайны ва Украіне Расея можа накіраваць свой "імперыялістычны экспансіянізм" на Эстонію, Латвію, Літву і Польшчу, заявіў на канферэнцыі Defending Baltics дарадца прэзідэнта Літвы ў нацыянальнай бяспецы Кястуціс Будрыс.

З ягоных слоў, імавернасць такога сцэнару ўзрасце, калі Беларусь цалкам стане часткай так званай “саюзнай дзяржавы”, піша Bild.

“Украіна дае нам некалькі гадоў часу. Калі Расея пераможа ва Украіне, у нас будзе адна расейская дывізія ў Львове, адна ў Берасці і адна ў Гародні”, - заявіў на той жа канферэнцыі начальнік Генеральнага штаба Польшчы Раймунд Анджэйчак.

Паводле ягоных слоў, калі расейскія войскі перасякуць мяжу з Літвой, будзе "неадкладны адказ".

“Не ў першы дзень, а ў першую хвіліну. Мы ўдарым па ўсіх стратэгічных аб'ектах у радыусе 300 кіламетраў. Мы ўдарым непасрэдна па Санкт-Пецярбургу”, - заявіў Анджэйчак.

Ён упэўнены, што еўрапейскія краіны "павінны ўзяць ініцыятыву ў свае рукі" і даць Расеі зразумець, што напад на Польшчу ці краіны Балтыі будзе пачаткам татальнага супрацьстаяння. Анджэйчак мяркуе, што гэта адзіны спосаб утрымаць Крэмль ад такой агрэсіі.

З гэтай мэтай Польшча зараз закупляе 800 ракет з далёкасцю да 900 кіламетраў, якія будуць выкарыстаны ў выпадку нападу Расеі.

"Мы павінны быць у стане нанесці ўдар у адказ неадкладна самі, не чакаючы пастаноў у некаторых сталіцах NАТО аб тым, ці варта выкарыстоўваць пяты артыкул", — заявіў камандзір літоўскім войскам Раймундас Вайкшнарас.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]