Лекар назваў прадукты, якія беларусам варта есці ў студзені і лютым.

Яны дапамогуць умацаваць імунітэт.

Зіма і нестабільнае надвор'е ўплываюць не толькі на настрой людзей. Лекары папярэдзілі, што яны таксама маюць значэнне для нашай імуннай сістэму. Экспэрт у галіне аховы здароўя нагадаў важнасць уключэння вітаміну D у ваш рацыён, каб дапамагчы змагацца з інфекцыямі. Але не толькі.

Лека Бабак Ашрафі, лекар агульнай практыкі і клінічны кіраўнік у Superdrug Online Doctor распавёў, што нядаўнія даследаванні ў ЗША ўсталявалі падвышаную рызыку захворванняў пры рэзкім паніжэнні тэмпературы, таму што астуджэнне змяншае імунітэт у насавой поласці і робіць нас больш успрымальнымі да вірусаў. Было выяўлена, што зніжэнне тэмпературы тканкі носа за на 5°C зніжае імунны адказ амаль удвая.

«Хуткія змены цёплага надворʼя на халоднае могуць выклікаць стрэс у арганізма і шакіраваць імунную сістэму, робячы вас больш уразлівымі да прастуды і інфекцый», – сцвярджае доктар Ашрафі. Ён адзначыў, што змяненне надворʼя часта супадае з сезоннымі ўспышкамі вірусаў, такіх як грып.

Са слоў лекара Ашрафі, гэтыя інфекцыі могуць стварыць дадатковую нагрузку на імунную сістэму. «У халодныя месяцы памяншэнне ўздзеяння сонечнага святла можа скараціць вашу асноўную крыніцу вітаміну D, які неабходны для здаровай імуннай сістэмы», – распавёў экспэрт.

Якія прадукты варта есці?

А значыць людзям неабходна папаўняць дэфіцыт вітаміну D. І тут беларусам дапаможа ўжыванне ў ежу тлустай рыбы, такой як ласось і скумбрыя, грыбоў, жаўткоў і некаторых вітамінізаваных апельсінавых сокаў.

Так, паводле звестак Нацыянальнай службы аховы здароўя Вялікай Брытаніі, іншыя прадукты таксама могуць дапамагчы папоўніць недахоп вітаміну D. Сярод іх:

- сардзіны,

- селядзец,

- чырвонае мяса,

- печань.

Лекар Ашрафі запэўнівае, што яны могуць «дапамагчы абараніць вашу імунную сістэму, забяспечваючы найважнейшы вітамінавы зарад».

«І памятаеце, бады з вітамінам D таксама зʼяўляюцца добрай ідэяй зімой», – распавёў лекар. У той жа Вялікай Брытаніі Нацыянальная служба аховы здароўя рэкамендуе ўсім, у тым ліку цяжарным жанчынам і якія кормяць грудзьмі, прымаць дабаўкі, што змяшчаюць 10 мікраграмаў вітаміну D, восенню і зімой.

Важна. А вось увесну і ўлетку гэта рабіць не трэба. Прыкладна з канца сакавіка ці пачатку красавіка да канца верасня большасць людзей можа атрымліваць увесь неабходны ім вітамін D з сонечнага святла.

Навошта піць кефір?

Лекар Ашрафі таксама рэкамендаваў прытрымлівацца добра збалансаванай дыеты, багатай садавінай, гароднінай, нятлустым бялком і злакамі, каб забяспечыць арганізм неабходнымі пажыўнымі рэчывамі для падтрымання імуннай функцыі.

«Прабіётыкі з ёгурта або кефіру таксама выдатна дапамагаюць падтрымліваць здаровы мікрабіем кішэчніка, які выконвае важную ролю ва ўмацаванні імунітэту», – параіў ён.