Ірвуць сэрца партрэты выкрадзеных

Яднанне і згуртаванасць габрэйскага народа ўражваюць.

Галоўная рэдактарка Charter97.org Наталля Радзіна падзялілася ў «Фэйсбуку» ўражаннямі ад убачанага на вуліцах Ізраіля:

– Не магла не прыехаць сёння ў Ізраіль. Гэта ўжо іншая краіна. Вайна адчуваецца ва ўсім. Ірвуць сэрца партрэты людзей, выкрадзеных «Хамас», яны паўсюль: на вуліцах, плошчах і набярэжных.

Гатэлі Тэль-Авіва ды іншых цэнтральных гарадоў перапоўненыя бежанцамі з поўдня і поўначы. Увесь час сустракаеш узброеных мужчынаў і жанчынаў.

Але пры гэтым згуртаванасць, яднанне і салідарнасць людзей уражваюць. Здаецца, яны стала яшчэ большымі. І ў гэтым моц Ізраіля і габрэйскага народа. Яны перамогуць. Мы пераможам. Я ўпэўненая.