Якое надвор'е чакае беларусаў у выходныя

Прагноз на 29 верасня - 1 кастрычніка.

29 верасня варункі надвор'я ў Беларусі будзе вызначаць перыферыя антыцыклону з цэнтрам над Еўрапейскай тэрыторыяй Расеі. Малавоблачна. Без ападкаў. Уначы і раніцай у асобных раёнах краіны будзе згушчацца туман. Вецер паўднёвы слабы да сярэдняга. Тэмпература паветра мінімальная ўночы +7..+13°С, месцамі яна складзе +3..+6°С, максімальная ўдзень +22..+27°С. Атмасферны ціск уначы істотна не зменіцца, днём будзе слаба падаць, піша pogoda.by.

30 верасня ўначы захаваецца ўплыў перыферыі антыцыклону, раніцай і ўдзень з тэрыторыі Польшчы чакаецца перамяшчэнне франтальнага падзелу. Уначы пераменная воблачнасць, днём воблачна з праясненнямі. Уначы пераважна без ападкаў, раніцай і ўдзень на большай частцы тэрыторыі краіны пройдуць кароткачасовыя дажджы. Удзень у асобных раёнах краіны магчымы навальніцы. Уначы і раніцай па паўднёвым усходзе слабы туман. Вецер паўднёвы з пераходам на заходні сярэдні, днём парывісты. Тэмпература паветра мінімальная ўночы будзе ад +5°С па паўднёвым усходзе да +16°С па захадзе Беларусі; максімальная ўдзень складзе ад +16°С у паўночна-заходніх раёнах да +26°С у паўднёва-ўсходніх краінах.

Пахаладае.

1 кастрычніка ноччу захаваецца ўплыў атмасфернага фронту, удзень надвор'е будуць вызначаць няўстойлівыя прахалодныя паветраныя масы, якія паступаюць з Балтыйскага мора. Уначы на большай частцы тэрыторыі, днём месцамі па краіне чакаюцца кароткачасовыя дажджы. Уначы і раніцай у асобных раёнах слабы туман. Вецер заходні, паўночна-заходні сярэдні, месцамі парывісты. Тэмпература паветра мінімальная ўночы +4..+11°С, па паўднёвым усходзе краіны да +13°С, максімальная ўдзень +13..+20°С.