Вялікая група мігрантаў спрабавала штурмаваць мяжу Беларусі і Польшчы
33- 24.09.2023, 19:04
- 26,712
Відэафакт.
Міністэрства абароны Польшчы апублікавала ў Х (былы твітар) відэа, на якім відаць група мігрантаў, якія зносяць агароджы на мяжы.
Ataki na polską granicę, prowadzone ze strony Białorusi, miały zdestabilizować sytuację w Polsce 🇵🇱oraz zagrozić bezpieczeństwu Polaków. Dzięki wzmocnieniu obecności #WojskoPolskie na granicy plan Rosji i Białorusi się nie powiódł. pic.twitter.com/EoHDN0Px5F
— Ministerstwo Obrony Narodowej 🇵🇱 (@MON_GOV_PL) September 24, 2023
Як сцвярджаецца, ролік зняты на адрэзку польска-беларускай мяжы. Мігранты спрабуюць прарвацца з беларускага боку, з другога боку за імі назіраюць узброеныя вайскоўцы. Калі менавіта адбыўся інцыдэнт, не ўдакладняецца.
У жніўні Польшча стала размяшчаць дадатковыя войскі на мяжы з Беларуссю на фоне перакідання туды наймітаў ПВК «Вагнер» і наплыву нелегальных мігрантаў, якіх, на думку еўрапейскіх палітыкаў, на памежныя тэрыторыі звозяць беларускія службы.
МУС Польшчы папярэджвала, што ў выпадку «правакацыі» ці «крытычнага інцыдэнту» на мяжы Польшча і краіны Балтыі цалкам «адрэжуць» Беларусь ад Еўропы.
