У Нямеччыне тысячы людзей выйшлі на дэманстрацыі за лепшую сістэму адукацыі

Фотафакт.

Тысячы людзей па ўсёй Нямеччыне выйшлі ў суботу на агульнанацыянальны «Дзень пратэсту за адукацыю», патрабуючы зменаў у адукацыйнай палітыцы.

Пра гэта паведамляе DPA.

Паводле звестак арганізатараў, да другой паловы дня на вуліцы па ўсёй Нямеччыне выйшлі больш за 15 тысячаў чалавек. Дэманстрацыю склікаў альянс, які складаецца з прафзвязаў, адукацыйных асацыяцый, а таксама прадстаўнікоў бацькоў і вучняў.

Удзельнікі дэманстрацыі выступалі за інклюзіўныя, а таксама даступныя школы і дзіцячыя сады, у якіх па ўсёй краіне не стае сотняў тысячаў месцаў.

«Нямеччына сутыкаецца з адным з самых сур'ёзных адукацыйных крызісаў з часоў заснавання ФРГ», – гаворыцца на сайце арганізацыі, якая склікала акцыі.

Альянс патрабуе стварэння спецыяльнага фонду для адукацыі памерам не меншым як 100 млрд еўраў для інвестыцый у дзіцячыя сады і школы.

Ён таксама заклікае заключыць дамову, які абавяжа ўсе федэральныя землі рыхтаваць дастатковую колькасць настаўнікаў, а таксама распрацаваць план удзелу дастатковай колькасці высокакваліфікаваных спецыялістаў у догляду дзяцей.