ГУР: Беспілотнік нанёс удар па НПЗ побач з аэрадромам у Курску

Нафтаперапрацоўчы завод ахоплены пажарам.

У Курску, у нядзелю, 24 верасня, акрамя будынка ФСБ, БПЛА трапіў па нафтаперапрацоўчым заводзе паблізу аэрадрома, паведамляе «Суспільне» са спасылкай на крыніцы ў ГУР.

Крыніцы выдання ва ўкраінскай выведцы распавялі, што пасля ў Курску адбылося яшчэ адно траплянне беспілотніка па нафтаперапрацоўчым заводзе паблізу аэрадрома, пачаўся пажар.

24 верасня губернатар расейскай Курскай вобласці Раман Старавойт заявіў, што БПЛА атакаваў адміністрацыйны будынак у цэнтры Курска. У той жа час у Telegram мясцовыя жыхары паведамілі, што беспілотнік атакаваў будынак ФСБ.

Як паведамляе Astra, жыхары Курска заявілі аб нападзе БПЛА на будынак Управы ФСБ Курскай вобласці на вуліцы Дабралюбава.

У ГУР паведамілі, што дрон атакаваў будынак ФСБ у Курску і было «наўпроставае траплянне».