Пад Віцебскам мужчына ўпарта пілаваў «балгаркай» набой

Наступствы не прымусілі сябе чакаць.

Раніцай 24 верасня ў Віцебскім раёне адбыўся выбух. Паводле папярэдніх звестак, 69-гадовы мясцовы жыхар знайшоў набой часоў Другой сусветнай вайны і надумаў распілаваць яго электраінструментам, паведаміў Следчы камітэт.

«У выніку адбыўся выбух, мужчына атрымаў спалучаную траўму (наяўнасць пашкоджанняў у дзвюх і больш анатамічных абласцях незалежна ад іх колькасці і функцыянальнай накіраванасці. - Заўвага. рэд.). Ён дастаўлены ў шпіталь, дзе цяпер праводзіцца аперацыя», - распавялі ў СК.

На месцы працуюць следчыя і эксперты, апытваюцца відавочцы і суседзі.

«У гаспадарчых пабудовах і ў двары пацярпелага выяўленыя набоі і гільзы», - паведамілі ў СК.

Праводзіцца праверка.