Расейскі залаты запас пачалі масава вывозіць у Азію

Што адбываецца?

З Расеі вывозяць золата ў вялізнай колькасці праз Аб'яднаныя Арабскія Эміраты. У 2022 годзе з РФ праз ААЭ вывезлі 96,4 т золата, гэта больш, чым робіць кожная іншая краіна свету.

Гэта прыкладна траціна гадавой здабычы золата ў РФ і больш за 15-кратнае павелічэнне гадавога імпарту золата з Расеі ў ААЭ.

Расейскі эканамічны аналітык Анатоль Несміян адзначае, што адбываецца сапраўднае разрабаванне Расеі і страта «народнага набытку».

У сваім Telegram-канале ён падкрэслівае, што, калі рэжым Пуціна канчаткова згніе і абрынецца, расейцы знойдуць прапажу ў невядомым кірунку залатога запасу краіны, а таксама іншых неграшовых актываў і музейных экспанатаў.

«Калі гэты рэжым канчаткова згіне, я думаю, што як і раней, мы раптам даведаемся, што ў краіне незразумела куды знік залаты запас, скарбы Алмазнага фонду і іншы «народны здабытак» накшталт сусветных шэдэўраў з музейных запаснікаў. Няўжо што замест паняцця «золата партыі» будзе ўведзенае паняцце «золата Пуціна». Ну, ці неяк яшчэ», - піша ён.

Эканамісты адзначаюць, што Расея адчувае цяжкі дэфіцыт валютных сродкаў пасля пападання пад санкцыі і спрабуе зарабіць на экспарце ўсімі даступнымі спосабамі.

Bloomberg апублікаваў статыстыку росту вывазу золата.