Postimees: Расейскіх генералаў у Севастопалі пагубіла лянота

Удар па штабе Чарнаморскага флоту быў нанесены падчас вельмі маштабнай нарады.

УСУ быў здзейснены ракетны ўдар па штабе Чарнаморскага флоту Расеі ў Севастопалі. Хоць Мінабароны Расеі заявіла, што ў Крыме была збіта адна ракета і некалькі беспілотнікаў, апублікаваныя кадры паказваюць, што траплянне было выключна дакладным. Невядома, колькі чалавек знаходзілася ў будынку штаба, піша эстонскае выданне Postimees.

Учора пачалі распаўсюджвацца чуткі аб тым, што ў выніку нападзення загінуў камандуючы Чарнаморскім флотам Расеі. Пазней украінская вайсковая выведка заявіла, што ў выніку нападу былі сур'ёзна параненыя два генералы наземных войскаў, але не назвала імёны загінулых высокапастаўленых афіцэраў. Судзячы з усяго, гэтая інфармацыя будзе з'яўляцца па частках у найбліжэйшыя дні. Усяго сама меней дзевяць афіцэраў былі забітыя і 16 параненыя. На падставе таго, што ідуць размовы аб раненнях генералаў з розных родаў войскаў, можна зрабіць выснову, што ў штабе ішла нейкая вельмі маштабная нарада.

Расейскіх генералаў магла загубіць лянота

Меркавалася, што такія сустрэчы ў Севастопалі больш не будуць праводзіцца, бо напады ў рэгіёне адбываюцца ўжо некалькі месяцаў, а месцазнаходжанне штаба вядомае ўсім. Як добра вядома, некалькімі днямі раней рэзервовы камандны пункт флоту, які знаходзіцца на выдаленні ад Севастопаля, быў знішчаны, таму штаб у цэнтры Севастопаля, магчыма, быў выкарыстаны для нарады проста праз ляноту, гэта значыць, ніхто не стаў рыхтаваць новае неабходнае месца. Цяпер ужо маюцца магчымасці выкарыстоўваць мабільныя камандныя пункты, якія, аднак, у расейскай традыцыі ўяўляюць з сябе грувасткія комплексы, якія лёгка выяўляюцца.

Час ад часу ў СМІ з'яўляюцца паведамленні аб наяўнасці ўкраінскага партызанскага атрада, які дзейнічае ў Крыме. Падчас нядаўніх буйных нападаў партызаны заяўлялі аб ролі іх групоўкі ў нападах. І цяпер паведамлялася, што яны дапамаглі падрыхтаваць напад на штаб флоту ў Севастопалі. Таксама згадвалася супрацоўніцтва з афіцэрамі расейскага войска, якія адчуваюць сталыя фінансавыя цяжкасці.

Няма ніякіх падстаў сумнявацца ў дзейнасці ўкраінскіх партызан у Крыме, але такія паведамленні служаць і прыкладам украінскіх інфармацыйных аперацый. Прафесійная выведка Украіны, яе хуткае перамяшчэнне і вельмі ўмелае выкарыстанне выведвальнай інфармацыі трэба ўважаць за выдатныя дасягненні падчас атак, учыненых у Крыме.

Агульнае кіраванне дзейнасцю расейскіх войскаў на поўдні сур'ёзна пацярпела. Чарнаморскі флот і яго структуры кіравання адыгрываюць вельмі важную ролю ў правядзенні ракетных і беспілотных удараў па ўкраінскіх гарадах. Расейскае камандаванне, безумоўна, зможа перабудаваць сістэму кіравання, але на гэта расейцам спатрэбіцца час. Цяпер украінцы маюць больш магчымасцяў для развіцця наступу на паўднёвым фронце.