Сітуацыя на фронце: УСУ адбіваюць атакі на некалькіх кірунках і знясільваюць расейцаў

Сілы абароны Украіны на Бахмуцкім кірунку праводзяць штурмавыя дзеянні.

Украінскія вайскоўцы цягам дня адбілі расейскія атакі адразу на некалькіх кірунках. Цяпер аператыўная абстаноўка на ўсходзе і поўдні Украіна застаецца складанай, паведамляе Генеральны штаб Узброеных сілаў Украіны.

На Бахмуцкім кірунку ўкраінскія войскі паспяхова адбілі атакі акупантаў у раёнах Мінькаўкі, Арэхава-Васільеўкі і Грыгораўкі Данецкай вобласці, на Аўдзееўскім – у раёне Севернага Данецкай вобласці, а на Запарожскім – у раёне Рабоціна Запарожскай вобласці.

Акрамя таго, на Мар'інскім кірунку цягам дня ўкраінскія абаронцы паспяхова адбілі 11 нападаў расейцаў у раёнах Мар'інкі і Краснагораўкі Данецкай вобласці.

У той самы час расейскія тэрарыстычныя войскі прадаўжаюць абстрэльваць з мінамётаў і артылерыі дзясяткі прыфрантавых населеных пунктаў, а таксама ўжываць для ўдараў авіяцыю.

Паводле звестак Генштаба УСУ, украінскія вайскоўцы прадаўжаюць наступаць на Мелітопальскім кірунку, а на Бахмуцкім – праводзіць штурмавыя дзеянні. Сілы абароны на гэтых кірунках наносяць расейскім акупацыйным войскам страты ў жывой сіле і тэхніцы і знясільваюць ворага ўздоўж усёй лініі фронту.