Мацнейшая за ATACMS і Storm Shadow: што вядома аб ракеце, якую неўзабаве атрымаюць УСУ

Украінская ракета зможа біць далей за атрыманыя ад хаўруснікаў.

Часова акупаваны Крым далей пляжыць трыяда: брытанскія ракеты Storm Shadow, французскія SCALP і ўкраінскія Нэптуны. Але ўжо ў 2024 годзе на ўзбраенне УСУ можа паступіць аперацыйна-тактычны ракетны комплекс "Сапсан" вырабу КБ "Паўднёвае" і "Поўдзеньмаша", піша Telegraf.

АТРК "Сапсан", работы над якім пачаліся яшчэ ў 2009-м, мае атрымаць стартавую ўстаноўку вагой пад 21 тону, на якой размесціцца ракета вагой 3,3 тоны. Пры гэтым вага баявой часткі складзе 480 кг, што на 30 кг больш, чым у Storm Shadow, гэта значыць, удар выйдзе больш магутным. Баявая частка ракеты можа быць як маналітнай для знішчэння адной цэлі, так і касэтнай, гэта значыць для выбуху ў паветры і ахопу зверху большай плошчы.

Але галоўнае — далёкасць ўкраінскай ракеты мае будзе перасягнуць 400 км, што перасягае паказчыкі амэрыканскай ATACMS (300 км) і экспартнага варыянту Storm Shadow і SCALP (280 км, пры поўнай далёкасці 560 км).

Таксама няма сумневаў, што выйдзе стварыць і сістэму навядзення, здольную сапраўды трапляць у цэлі. Да прыкладу, супрацькарабельныя ракета "Нэптун", якая пацэліла ў флагман Чарнаморскага флоту РФ крэйсер "Масква", мае дубляваную сістэму навядзення: GPS для дастаўкі набою ў патрэбнае месца і інфрачырвоную галоўку саманавядзення для цаляння.

Праўда, паводле звестак, гатовасць комплексу складае толькі блізу 70%, і ён не паступіць на ўзбраенне УСУ раней за 2024 год.

А тым часам УСУ чакаюць паставак амэрыканскіх тактычных ракет ATACMS, якія здольныя дастаць да самага "цэнтра" расейскага ВПК.