У Беларусі затрыманы супрацоўнікі буйных холдынгаў і заводаў

Іх абвінавачваюць у карупцыі.

Міліцыя дала справаздачу аб затрыманнях і раскрыцці карупцыйнай схемы пры закупках металапрадукцыі на Беларускай універсальнай таварнай біржы.

Як заявілі ў МУС, затрыманыя забеспячэнцы шэрагу холдынгаў і заводаў. Распачатыя крымінальныя справы ў дачыненні да сямі чалавек за атрыманне і дачу хабару, а таксама пасрэдніцтва ў перадачы грошай. Агульная сума незаконных узнагароджанняў склала больш за 90 тысяч рублёў.

Назвы прадпрыемстваў, а таксама сутнасць карупцыйнай схемы не называліся.

Адначасова прэс-служба МУС паведаміла аб затрыманні начальніка і майстра рамонтна-механічнага цэха, а таксама інжынера ў камплектацыі абсталявання аднаго з барысаўскіх прадпрыемстваў. Страты, якія нанеслі яны, - блізу 13 тысяч рублёў.