У Вялікай Брытаніі суддзя выкарыстаў штучны інтэлект для судовых пастановаў

Суддзя звярнуўся да ChatGPT.

Суддзя з Апеляцыйнага суда Вялікай Брытаніі, лорд-суддзя Бірс, прызнаўся, што выкарыстоўваў ChatGPT для напісання судовых пастановаў. Пра гэта паведамляе The Register.

Ён звярнуўся да штучнага інтэлекту, каб стварыць абзац для судовых дакументаў у справе аб праве інтэлектуальнай уласнасці. Суддзя прызнаў патэнцыял такіх інструментаў, заявіўшы, што выкарыстоўваў іх у сваёй працы.

Гэта першы выпадак, калі брытанскі суддзя прызнае выкарыстанне генератыўнага штучнага інтэлекту ў сваіх судовых пастановах. Аднак выкарыстанне ChatGPT мае свае супярэчнасці, паколькі праграмнае забеспячэнне можа ўтрымліваць памылкі.

Суддзя Бірс заявіў, што сам адказвае за свае судовыя пастановы і не спрабуе ўскласці адказнасць на кагосьці іншага, заявіўшы, што ён асабіста абраў і выкарыстоўваў гэты інструмент.