Фільм «Барбі» пачнуць паказваць у кінатэатрах Менска

З 9 верасня.

Стала вядома, што ў кінатэатрах Менска паказы фільма «Барбі» пачнуцца з 9 верасня 2023 года. Інфармацыя аб гэтым з'явілася на сайце прадпрыемства Кінавідэапракат Менгарвыканкама.

Паводле апублікаванай інфармацыі, паказы кінастужкі, працягласць якой складае 114 хвілін, пачнуцца 9 верасня і працягнуцца да 4 кастрычніка. Нагадаем, што Барбі ў фільме згуляла акторка Марго Робі, а ролю Кена - Раян Гослінг.