Генпракуратура Украіны: Беларускі Чырвоны Крыж - суўдзельнік дэпартацыі ўкраінскіх дзяцей
4- 23.07.2023, 19:16
- 6,500
Распачатае расследаванне.
Дачыненне Беларускага таварыства Чырвонага Крыжа да вывазу ўкраінскіх дзяцей з акупаваных тэрыторый Украіны ў Беларусь з'яўляецца суўдзелам ва ўчыненні міжнароднага злачынства. Пра гэта заявіў генеральны пракурор Украіны Андрэй Косцін.
Ён падкрэсліў, што БТЧК адкрыта парушае асноўныя прынцыпы Міжнароднай Федэрацыі Чырвонага Крыжа і Чырвонага Паўмесяца.
Belarus Red Cross’ involvement in the forcible deportation of Ukrainian children from Russian-occupied territories to Belarus is co-perpetration in the commission of an international crime. As an organization, it is blatantly violating the norms of the Four GCs and API, as well… pic.twitter.com/0GSIP3pMhk
— Andriy Kostin (@AndriyKostinUa) July 23, 2023
«Мы спадзяёмся, што МФКК прыме адпаведныя санкцыі. Са свайго боку мы пачалі расследаванне, накіраванае на забеспячэнне адказнасці за кожны выпадак гвалтоўнага перамяшчэння і/або дэпартацыі ўкраінскіх дзяцей», - паведаміў Андрэй Косцін.
Нагадаем, што беларускі Чырвоны Крыж нядаўна трапіў у скандал пасля таго, як ягоны генеральны сакратар Дзмітрыц Шаўцоў засвяціўся на Данбасе з Z-сімволікай і пацвердзіў, што яны дапамагаюць выкрадаць дзяцей з акупаваных тэрыторый Украіны.
