Пуцін пачаў пагражаць Польшчы, згадаўшы Беларусь

Кіраўнік РФ зрабіў некалькі неадэкватных заяў.

Кіраўнік Расеі Уладзімір Пуцін сёння зрабіў некалькі заяў на адрас суседніх дзяржаў. Некаторыя з іх тычыліся і Беларусі.

Пуцін заявіў, што заходнія тэрыторыі цяперашняй Польшчы - гэта падарунак Сталіна палякам. «Нашы сябры ў Варшаве прызабылі пра гэта, мы нагадаем», - цытуюць Пуціна расейскія СМІ.

«Развязванне вайны Польшчай супраць Беларусі азначае і вайну супраць Расеі», - дадаў кіраўнік Расеі.

«Польшча хоча пад натаўскім парасонам адарваць частку заходняй тэрыторыі Украіны і Беларусі, гэта небяспечная гульня», - зманіў Пуцін.

Ён традыцыйна пайшоў у гістарычны «экскурс», заявіўшы, што Польшча ў 1920 годзе захапіла частку Літвы, «адарвала ў Расеі яе гістарычныя землі, скарыстаўшыся грамадзянскай вайной, удзельнічала ў раздзеле Чэхаславакіі ў 1938 годзе».

«Калі польскія часткі ўвойдуць у Львоў ці іншыя тэрыторыі Украіны - яны там і застануцца. Прычым назаўжды», - пагрозліва заявіў ён.