На Беласточчыне пачаўся фестываль «Tutaka»

Ён з'яўляецца «спадчыннікам» легендарнага «Басовішча», якое праводзілася раней.

14 ліпеня ў Гарадку на Беласточчыне стартаваў фестываль беларускай сучаснай культуры «Tutaka» («фестываль абуджаных»).

Ён з'яўляецца «спадчыннікам» легендарнага «Басовішча», што праводзілася раней, і праходзіць ужо трэці год. Сярод гасцей – беларусы, палякі і ўкраінцы.

Працуюць арт-кірмаш, інфа-пункт, праводзяцца майстар-класы. На фестывалі пройдзе выстава памяці палітвязня мастака Алеся Пушкіна.