У Беларусі абвясцілі штармавое папярэджанне

На поўдні краіны чакаецца спякота да 29°C.

Штармавое папярэджанне абвешчанае ў Беларусі на 9 чэрвеня праз небяспеку пажараў у лясах. Пра гэта паведамілі ў МНС.

Надзвычайная пажарная небяспека (найвышэйшы клас) прысутнічае на большай частцы тэрыторыі Менскай, Магілёўскай, Гомельскай абласцей і Менска, а таксама месцамі ў астатніх рэгіёнах краіны.

Ва ўсіх раёнах Беларусі забаронена або абмежавана наведванне лясоў.

Сёння на поўдні Беларусі чакаецца спякота да 29°C, да 23°C - у паўночных рэгіёнах. Па паўднёвым усходзе і поўдні краіны пройдуць дажджы, месцамі моцныя, месцамі прагрымяць навальніцы.