Сабаленка не змагла адказаць на пытанне, чаму яна «супраць Лукашэнкі»

Тэнісістка заявіла, што яна «стамілася ад палітыкі».

Як паведамляў сайт Charter97.org, другая ракетка свету Арына Сабаленка не змагла прабіцца ў фінал «Ралан Гарос». Паўфінальны двубой доўжыўся тры сэты і скончыўся на карысць прадстаўніцы Чэхіі Караліны Мухавай - 7:6, 6:7, 7:5.

Пасля сустрэчы Арына Сабаленка прыйшла на прэс-канферэнцыю. Але беларусцы зноў пачалі задаваць «палітычныя пытанні», паведамляе «Вялікі тэніс».

Пасля чвэрцьфінальнага паядынку на «Ралан Гарос» Сабаленка сказала, што не падтрымлівае вайну ва Украіне і дыктатара Лукашэнку «на гэтым этапе».

Цяпер жа журналісты спыталі ў яе, ці праўда гэта і ці адчувае яна сябе ў бяспецы пасля такіх заяў.

Тэнісістка пастаралася ўвогуле сысці ад гэтага пытання.

«Сёння я не хачу размаўляць пра палітыку. Я ўжо рабіла свае заявы. У вас яны ёсць. Я не хачу размаўляць пра палітыку сёння. Давайце проста пагаворым пра тэніс. Дайце мне крыху адпачыць, калі ласка, ад палітыкі», - сказала Сабаленка.