Прагноз валют: еўра можа здзівіць

Якія курсы ўстановяцца ў беларускіх абменніках?

На гэтым тыдні пад уплывам сярэдняга інфармацыйнага фону не выключаны рост пары EUR/USD і золата, як асноўных бенефіцыяраў ад паслаблення даляра ЗША. Золата на гэтым фоне можа зноў вярнуцца вышэй за ўзровень у 2000 USD/Oz, а асноўная валютная пара EUR/USD адапхнуцца ад падтрымкі на ўзроўні ў 1,0700 з перспектывай выхаду да канца тыдня на адзнаку ў 1,0850-1,0900, піша Myfin.by.

Курс расейскага рубля можа атрымаць падтрымку на фоне вынікаў саміту OPEC+, які скончыўся ў мінулую нядзелю 4 чэрвеня. Як мінімум, кошты на нафту вярнуліся да росту і перасягнулі адзнаку на 76,40 USD/br у эталоннай марцы Brent. А на саміце ў Вене будзе абмяркоўвацца пытанне зніжэння сусветнай здабычы яшчэ на 1 млн барэляў за дзень. З вялікай дзеллю імавернасці пастанова будзе прынятая і гэты чыннік падтрымае расейскую валюту, праз гэта курс даляра на маскоўскіх таргах можа развярнуцца на поўдзень ніжэй USD/RUB 80,00.

Рэзюмуючы сказанае на беларускім валютным рынку курс даляра ЗША на гэтым тыдні можа мінімальна знізіцца да ўзроўню USD/BYN 2,9000 роўна. Еўра мае шанец на некаторы рост да EUR/BYN 3,1800 - 3,2000. Расейскі рубель таксама можа ўмацаваць пазіцыі RUB/BYN 3,6000.