Беларускія вайскоўцы «збівалі» дроны нядзейнымі патронамі

Відэагіт.

Беларускія вайскоўцы трэнуюцца збіваць дроны нядзейнымі патронамі. Відэа вучэння апублікавала Мінабароны.

Мінабароны Беларусі падзялілася відэа, як падчас вучэнняў Узброеных сіл Беларусі з органамі вайсковага кіравання і вайсковымі часцінамі тэхнічнага забеспячэння "на базе 43-га арсенала ракет і боепрыпасаў было адпрацавана пытанне здушэння і знішчэння БЛА".

Для здушэння беспілотніка выкарыстоўвалі 23-мм зенітную ўстаноўку ЗУ-23-2 і аўтамат Калашнікава.

На відэа беларускі вайсковец вядзе агонь па БЛА з аўтамата Калашнікава з утулкай для нядзейнай страляніны.

Згодна з правіламі страляніны з аўтамата АК-74 катэгарычна забароненая страляніна з аўтамата баявымі патронамі з накручанай на рулю утулкай для нядзейнай страляніны.

У вайскоўца ў магазіне не магло быць баявых патронаў.

У Мінабароны Беларусі не ўдакладнілі, якім чынам можа быць "здушаны і знішчаны БЛА" агнём з аўтамата нядзейнымі патронамі.