Ва Украіне затрымалі беларуса, які «зліваў» інфармацыю аб абароне мяжы

Ён ужо быў раней асуджаны за апраўданне і падтрымку расейскай агрэсіі супраць Украіны.

Ва Украіне затрыманы і арыштаваны на два месяцы грамадзянін Беларусі, які падазраецца ў «зліве» інфармацыі аб перамяшчэнні жывой сілы і ваеннай тэхнікі для абароны ўкраінска-беларускай мяжы.

Аб гэтым піша «Радыё Свабода».

Затрыманы - беспрацоўны, які нарадзіўся і пражываў у Ровенскай вобласці Украіны. Мужчыну затрымалі паводле падазрэння ў перадачы інфармацыі аб перамяшчэнні жывой сілы і тэхнікі для абароны памежнай з Беларуссю тэрыторыі Украіны.

Адзначаецца, што падазраваны ўжо быў раней асуджаны за апраўданне і падтрымку расейскай агрэсіі супраць Украіны.

Згодна са звесткамі следства, мужчына праз тэлефон перадаваў іншаму грамадзяніну Беларусі інфармацыю, якой не было ў адкрытых крыніцах. Таксама вядомае імя грамадзяніна Беларусі, якому затрыманы перадаваў інфармацыю з пачатку красавіка 2023 года, аднак праз абароны канфідэнцыйнай і персанальнай інфармацыі, прозвішчы фігурантаў справы не называюцца.