Святлана Алексіевіч: Я захапляюся Палінай Шарэндай-Панасюк

Нобэлеўская лаўрэатка падтрымала беларускую палітычную зняволеную.

Нобэлеўская лаўрэатка ў літаратуры Святлана Алексіевіч у інтэрвію «Радыё Свабода» расказала, што захапляецца палітычнай зняволенай, актывісткай грамадзянскай кампаніі «Еўрапейская Беларусь» Палінай Шарэндай-Панасюк:

- Я цяпер шмат сустракаюся з уцекачамі з Беларусі і Украіны. Паводле маіх адчуванняў блізу 60% беларускіх уцекачоў хацелі б вярнуцца. Яны дагэтуль любяць Беларусь, сумуюць па ёй. Можа быць, яшчэ большая доля іх была б ахвочая вярнуцца, калі б Беларусь змянілася. Мы неяк размаўлялі з Вадзімам Пракоп'евым, і ён мне сказаў, што да 2020 года яму ўсё было брыдка ў Беларусі, што ён вельмі хацеў адтуль з'ехаць. А цяпер ён кажа: я б хацеў вярнуцца, хацеў бы хаця б прайсціся па беларускай вуліцы. І гэта тое, што я чую шмат ад каго.

Мне асабіста сорамна перад Палінай Шарэндай-Панасюк. Я захапляюся добрай якасцю, з якой яна сябе паводзіць. Мне сорамна перад нашай Машай Калеснікавай. Што мы можам зрабіць? Проста сведчыць.