«Боінг» прэзідэнта Аргентыны ледзь не разбіўся пры пасадцы

Відэафакт.

Самалёт Boeing 757-200 прэзідэнта Альберта Фернандэса ледзь не разбіўся пры вяртанні ў Буэнас-Айрэс з Маямі.

Падчас пасадкі лайнер рэзка нахіліўся і пранёсся над узлётна-пасадачнай паласой, так і не дакрануўшыся да зямлі. Рухавікі рэзка зараўлі, лайнер пайшоў на другі круг, паведамляе BILD.

Невядома, з якой прычыны пасадка не ўдалася з першага разу. З другой спробы лайнер паспяхова прызямліўся.