Байцы РДК накрылі з «Градаў» будынак МУС у Шабекіне, дзе сабраліся вайскоўцы РФ

У Белгарадскай вобласці ідуць баі з выкарыстаннем рэактыўнай артылерыі.

Пасля прарыву мяжы расейскімі добраахвотнікамі, у Шабекіне Белгарадскай вобласці РФ ідуць баі з выкарыстаннем рэактыўнай артылерыі.

Як паведамляў сайт Charter97.org, сёння з раніцы байцы «РДК» і легіёна «Свабода Расеі» пачалі другую фазу вайсковай аперацыі на тэрыторыі РФ.

Байцы запісалі відэа, паведамляючы, што рухаюцца наперад у кірунку населенага пункта Шабекіна Белгарадскай вобласці.

Акрамя таго, байцы «РДК» паведамілі, што пусцілі ў ход супраць расейскіх сілавікоў устаноўкі РСЗА «БM-21 Град», выпусціўшы пакет боепрыпасаў па расейскіх вайскоўцах, якія сабраліся ў мясцовым будынку ўправы МУС.

Паводле інфармацыі, якая паступае ад байцоў, залп быў удалым.

Расейскія добраахвотнікі таксама паведамілі, што праз іх наступ у Белгарадскай вобласці ў МУС Шабекіна абвешчаны план «Цытадэль».

Падраздзяленні «РДК» і легіёна «Свабода Расеі» заклікаюць мясцовых жыхароў заставацца ў сваіх дамах і не пакідаць сховішча, паколькі не могуць арганізаваць вываз мірнага насельніцтва, аднак з цывільнымі ваяваць не збіраюцца.