Наўседа: Патрабуецца большая прысутнасць сіл хаўруснікаў на ўсходнім флангу NATO

Паводле слоў прэзідэнта Літвы, «гэтая лінія фронту павінна быць вельмі моцнай».

Прэзідэнт Літвы Гітанас Наўседа пасля сустрэчы з прэзідэнтам Нямеччыны Франкам-Вальтэрам Штайнмаерам у Вільні заявіў, што цяпер вельмі важна ўзмацняць усходні фланг Паўночнаатлантычнага альянсу. Пра гэта паведамляе «Радыё Свабода».

«Гэтая лінія фронту, якая павінна быць вельмі моцнай. Нам патрэбная супрацьпаветраная і супрацьракетная абарона, а таксама большая прысутнасць хаўрусніцкіх сілаў у рэгіёне», – адзначыў літоўскі лідар.

«Доўгатэрміновая прыхільнасць Нямеччыны да бяспекі Літвы неабходная для ўсяго ўсходняга флангу NATO», - дадаў Наўседа.

У той жа час Штайнмаер паабяцаў Літве дапамогу Нямеччыны ў выпадку расейскай агрэсіі.