Крэмль спрабуе ўтаіць: выведка Брытаніі распавяла аб «нюансах» з вайсковым бюджэтам РФ

Пуцін выкарыстоўвае сакрэтныя артыкулы бюджэту.

Расея марнуе вялізныя грошы на агрэсіўную вайну супраць Украіны, таму спрабуе схаваць рэальныя ваенныя выдаткі. Таму Крэмль выкарыстоўвае сакрэтныя артыкулы бюджэту.

На гэта звярнула ўвагу брытанская выведка. Адпаведная справаздача была апублікаваная 30 траўня на старонцы міністэрства абароны Злучанага Каралеўства Вялікай Брытаніі і Паўночнай Ірландыі ў Twitter.

Стакгольмскі міжнародны інстытут даследавання праблем міру (SIPRI) мяркуе, што ваенныя выдаткі Расейскай Федэрацыі выраслі на 9,2% у 2022 годзе - да 86,4 млрд даляраў ЗША. Такія звесткі былі апублікаваныя 25 траўня 2023 года. На падлікі SIPRI, гэта складае 4,1% валавога ўнутранага прадукту РФ.

Аднак, як падкрэсліла брытанская выведка, сапраўдныя ваенныя выдаткі краіны-агрэсаркі невядомыя. Гэта звязанае з «шырокім выкарыстаннем засакрэчаных артыкулаў бюджэту, асабліва з лютага 2022 года і адсутнасцю празрыстасці», адзначыла прэс-служба.

Так, Масква толькі нядаўна аднавіла публікацыю справаздачных звестак аб выдатках (спыненых у траўні 2022 года).

«Ваенныя выдаткі застаюцца падвышанымі, і гэта цісне на расейскія дзяржаўныя фінансы», - заявілі выведнікі Злучанага Каралеўства.