За мінулы дзень у Беларусі адбылося 10 лясных пажараў

Ва ўсіх раёнах краіны ўведзеная забарона або абмежаванне на выправы ў лес.

За мінулы дзень службовыя асобы дзяржаўнай лясной аховы зліквідавалі 10 лясных пажараў. Некалькі выпадкаў загаранняў зафіксаваныя і сёння, 28 траўя. Пра гэта паведамілі ў Міністэрстве лясной гаспадаркі.

За мінулы дзень з агнём двойчы змагаліся ў Драгічынскім, Бабруйскім лясгасах і Бараўлянскім спецлясгасе, яшчэ па адным выпадку загаранняў зафіксавана ў Баранавіцкім, Целяханскім, Лельчыцкім і Асіповіцкім доследным лясгасах. Агульная плошча асяродкаў склала 1,2 га.

Некалькі выпадкаў загаранняў у лясным фондзе зафіксаваныя і 28 траўня - у Гродзенскім, Смалявіцкім, Жыткавіцкім, Астравецкім, Лідскім, Асіповіцкім доследнай лясных гаспадарках.

"Усе асяродкі былі на часе знойдзеныя, службовыя асобы дзяржаўнай лесааховы пільна пачалі ліквідацыю загарання", - расказалі ў Мінлясгасе.

У лясным фондзе Мінлясгаса з пачатку пажаранебяспечнага сэзона адбылося ўжо больш за 170 лясных пажараў. Агульная плошча загарання перасягнула 137 га.

Нагадаем, ва ўсіх раёнах Беларусі ўведзеная забарона або абмежаванне на выправы ў лес. Абмежаванні дзейнічаюць ва ўсёй Гарадзенскай вобласці і практычна ва ўсіх раёнах Берасцейскай (акрамя Дарагічынскага: там наведванне лясоў увогуле забаронена). А таксама ў Слуцкім і Мядзельскім раёнах Менскай вобласці, Чэрыкаўскім і Прапойскім - Магілёўскай вобласці, Пастаўскім, Браслаўскім, Дрысенскім і Расонскім - Віцебскай вобласці.