24 верасня 2023, Нядзеля, 23:24
Сім сім, Хартыя 97!
Рубрыкі

«Беларуская выведка»: Стала вядома, праз што Лукашэнка патрапіў у ЦКБ Масквы

86
«Беларуская выведка»: Стала вядома, праз што Лукашэнка патрапіў у ЦКБ Масквы

Сэрцава-судзінная сістэма дыктатара знаходзіцца ў крытычным стане.

Тэлеграм-канал «Беларуская выведка» паведаміў новыя падрабязнасці шпіталізацыі Лукашэнкі ў Цэнтральнай клінічнай лякарні (ЦКБ) Масквы.

Адна з крыніц канала паведаміла, што пасля афіцыйных сустрэч у Маскве Лукашэнка заязджаў на абследаванне і кансультацыю ў «крамлёўскі медыцынскі блок».

Нагодай стала ўскладненне пасля перанесенай віруснай інфекцыі.

Яшчэ адна крыніца паведаміла аб дадатковых захадах бяспекі пры вяртанні самалёта з Масквы.

«Інфармацыя атрыманая толькі з аднаго рэсурсу і патрабуе дадатковай верыфікацыі», — зазначае «Беларуская выведка».

Аўтарам тэлеграм-канала таксама стала вядома, што Лукашэнку паказаная каранаграфія і яе збіраліся рабіць найбліжэйшым часам. Гэта можа сведчыць аб дрэнным стане сэрцава-судзіннай сістэмы.

Як паведамляў сайт Charter97.org, учора Лукашэнку пасля сустрэчы з Пуціным за зачыненымі дзвярыма ў тэрміновым парадку даставілі ў Цэнтральную клінічную лякарню Масквы. Лекары ацэньваюць стан дыктатара як крытычны.

Пазней крыніцы ў Цэнтральнай клінічнай лякарні (ЦКБ) Масквы пацвердзілі шпіталізацыю Лукашэнкі. На некаторыя звесткі самалёт вярнуўся ў Менск без дыктатара.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».