Цапкала: Лукашэнку ў тэрміновым парадку даставілі ў лякарню Масквы

Лекары ацэньваюць ягоны стан як крытычны.

Пра гэта ў сваім тэлеграм-канале паведаміў палітык Валерый Цапкала:

– З наяўнай у нас інфармацыі, якая патрабуе дадатковага пацверджання, Лукашэнка пасля сустрэчы з Пуціным за зачыненымі дзвярыма ў тэрміновым парадку быў дастаўлены ў Цэнтральную клінічную лякарню Масквы, дзе ў цяперашні момант і знаходзіцца.

На вяртанне яго са стану, ацэненага лекарамі як крытычны, былі накіраваныя найлепшыя спецыялісты. Было праведзенае прамыванне крыві, стан Лукашэнкі быў прызнаны не транспартабельным.

Арганізаваныя мерапрыемствы ў выратаванні беларускага дыктатара мелі на мэце адвесці спекуляцыі пра магчымы ўдзел Крамля ў ягоным атручэнні.

Не мае значэння, вернецца ён у працоўны стан ці не, лекары папярэджваюць пра магчымае паўтарэнне рэцыдываў.