На паляванні ў Гомельскай вобласці застрэлілі зубра

Здарэнне адбылося на тэрыторыі запаведніка.

Здарылася гэта на тэрыторыі Палескага дзяржаўнага радыяцыйна-экалагічнага запаведніка. Паляванне праводзілася з зарэгістраванай зброяй і пад наглядам егера.

Аднак адзін з удзельнікаў чамусьці аддзяліўся ад групы і сутыкнуўся са статкам зуброў. Аднаго з іх ён застрэліў, хаця выяўлена, што жывёліны паводзіліся спакойна. Потым «паляўнічы» паспрабаваў схаваць тушу зубра, але на наступны дзень яе знайшлі леснікі, паведамляе «Белсат».

Мужчыну прысудзілі да двух гадоў пазбаўлення волі з адтэрміноўкай на год, далі штраф на 100 базавых (3 700 рублёў) і забаранілі займацца паляваннем на 5 гадоў.

Зубр занесены ў Чырвоную кнігу.