Відэафакт: Расейскіх акупантаў прымушаюць насіць амуніцыю, знятую са зліквідаваных таварышаў

На прастрэленых панцырных камізэльках відаць прозвішчы іхніх былых уладальнікаў.

Камандаванне войскамі РФ, якія ваююць супраць Украіны, не здатнае забяспечыць усіх «мобікаў» амуніцыяй. Акупантаў літаральна прымушаюць здымаць форму з трупаў сваіх зліквідаваных таварышаў.

Так, камандзіры загадваюць жаўнерам даношваць нават нечыя акрываўленыя камізэлькі. Відэа з прызнаннямі вайскоўцаў РФ апублікаваў Telegram-канал выдання "Можем объяснить".

«Прывезлі рэчы. Сказалі зашыць і памыць. Будзем рыхтаваць да выдачы», - пракаментаваў аўтар роліка.

На кадрах ён паказаў форму расейскіх вайскоўцаў, якая ляжыць на зямлі. На адным з кіцеляў нават відаць нашыўка з імем, відаць, ужо забітага акупанта - Часнакоў П.А.

У той жа час іншы акупант трымае ў руках запэцканую свежай крывёй камізэльку, з выглядзе якой і не скажаш, ці былі ў ёй панцырныя пласціны.

"Вось, паглядзіце, у якім яна стане", - кажа голас за кадрам.

Шпулька нітак колеру хакі, якая ляжыць на форме, сведчыць аб тым, што акупанты спакойна выканаюць загад, і неўзабаве гэтую амуніцыю будуць надзяваць іхнія таварышы.

«Стоеная мабілізацыя працягваецца, забеспячэнне жаўнераў становіцца ўсё больш дрэнным. Цяпер ім загадалі здымаць скрываўленыя камізэлькі з загінулых», - пракаментавала расейскае выданне.