У Бранску са стралянінай напалі на вайсковую частку РФ

У горадзе абвешчаны план "Сірэна".

У Расеі зноў узнікла новая праблема ў вайсковай часціне. У Бранску невядомы страляў у жаўнера, які ахоўвае вайсковы склад.

Пасля гэтага ў расейскім горадзе ўвялі план "Сірэна". Пра гэта паведамляюць расейскія прапагандысцкія мэдыі, інфармуе «24 канал».

29 сакавіка на тэрыторыі вайсковай часціны былі чутныя два стрэлы, у выніку якіх быў паранены вайсковец, што ахоўваў склады.

Таму ў горадзе ўвялі план "Сірэна" і адшуквалі мужчыну, апранутага ва ўсё цёмнае і са зброяй. Праз чатыры гадзіны выявілася, што нікога і не было - у жаўнера выпадкова стрэліў калега, які нёс з ім службу.

Цяпер усе абставіны высвятляюць.

Іншыя падобныя выпадкі

Такія выпадкі ў Расеі - не адзінкавыя. Надоечы ў Курскай вобласці адбылася страляніна паміж жаўнерамі. У выніку гэтага адзін з іх загінуў.

Надзвычайнае здарэнне адбылося ў 37-й мотастралковай брыгадзе в/ч 69647, якая часова дыслакуецца на тэрыторыі Суджанскага раёна Курскай вобласці.

Папярэдне, 22-гадовы Магамед М. пачуў старонніх асоб у зоне варты. Ён гукнуў: "Стой, хто ідзе?", аднак адказу не было. Пасля гэтага жаўнер пачаў страляць.

Як стала вядома, у выніку страляніны загінуў 19-гадовы жаўнер з Татарстана Тамір Г., яшчэ адзін 22-гадовы жаўнер з Новасібірска Уладзіслаў К. трапіў у шпіталь.